ایڈیشنل انسپکٹر جنرل سی ٹی ڈی سندھ آزاد خان کو کراچی کا نیا پولیس چیف مقرر کر دیا گیا ہے۔ اس حوالے سے چیف سیکرٹری سندھ کی جانب سے باقاعدہ اعلامیہ جاری کیا گیا ہے۔
اعلامیے کے مطابق گریڈ 21 کے افسر آزاد خان کراچی پولیس کی سربراہی کے فرائض انجام دیں گے۔ اسی نوٹیفکیشن میں ذوالفقار لاڑک کو ایڈیشنل آئی جی اسپیشل برانچ تعینات کیا گیا ہے۔
مزید تقرریوں میں شرجیل کھرل کو ایڈیشنل آئی جی آپریشنز سندھ کی ذمہ داری سونپی گئی ہے، جبکہ اقبال دارا کو ایڈیشنل آئی جی پولیس ٹریننگ سندھ کا اضافی چارج دیا گیا ہے۔
اسی طرح پرویز چانڈیو کو ڈی آئی جی اسٹیبلشمنٹ اور فیصل عبداللہ چاچڑ کو ڈی آئی جی میرپور خاص تعینات کر دیا گیا ہے۔ ڈی آئی جی ناصر آفتاب کو ڈی آئی جی سکھر کا اضافی چارج بھی تفویض کر دیا گیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔