“آج 10/10 دن تھا” – سچن ٹنڈولکر کی میسی کے ساتھ تصویر وائرل

ممبئی: فٹبال کے عظیم کھلاڑی لیونل میسی بھارت کے دورے پر ہیں اور انہوں نے حال ہی میں کرکٹ کے لیجنڈ سچن ٹنڈولکر سے وانکھیڈے اسٹیڈیم میں ملاقات کی۔

ملاقات کے بعد ٹنڈولکر نے سوشل میڈیا پر ایک تصویر شیئر کی جس میں وہ میسی کے ساتھ پوز دیتے نظر آ رہے ہیں۔ دلچسپ بات یہ ہے کہ ٹنڈولکر نے میسی کو اپنی 10 نمبر والی جرسی پیش کی، جبکہ میسی بھی اپنی ٹیم کے لیے 10 نمبر پہنتے ہیں۔

ٹوئٹر/ایکس پر پوسٹ میں ٹنڈولکر نے کیپشن لکھا: “آج واقعی 10/10 دن تھا”۔ مداحوں نے اس پوسٹ کو بہت پسند کیا اور یہ کچھ ہی منٹوں میں وائرل ہو گئی۔