آج کے ڈراموں میں جذبات کی جگہ دکھاوے نے لے لی ہے

آج کے ڈراموں میں جذبات کی جگہ دکھاوے نے لے لی ہے

معروف سینئر اداکار توقیر ناصر نے بدلتے ہوئے رجحانات پر اظہارِ خیال کیا اور کہا کہ آج کے ڈراموں میں سچائی، خلوص اور جذبات کی جگہ پر زیادہ توجہ ظاہری خوبصورتی اور دکھاوے پر دی جا رہی ہے، انہوں نے کہا کہ ماضی کے فنکار اپنے کرداروں سے جذباتی طور پر وابستہ ہوتے تھے، ان کی اداکاری میں فطرت اور سچائی جھلکتی تھی۔

جبکہ آج کل کی اداکاری میں جذبات کی جگہ پر میک اپ اور سرجری سے بنائے گئے خدوخال نمایاں ہوتے ہیں، اداکاراؤں کے مصنوعی حسن نے ان کے چہروں کو مصنوعی بنا دیا ہے، ماضی کی اداکارائیں خوبصورت اور سادگی پسند تھیں، انہوں نے کہا کہ پہلے والے ڈائریکٹر خود بھی سیٹ پر موجود ہوتے تھے جبکہ آج کل کے ڈائریکٹر صرف مانیٹر پر موجود ہوتے ہیں۔