آئی ایم ایف کی قسط کے بعد اسٹاک مارکیٹ میں ریکارڈ تیزی

آئی ایم ایف کی جانب سے نئی قسط کی منظوری کے بعد اسٹاک مارکیٹ میں تیزی کا رجحان برقرار ہے اور انڈیکس نے تاریخ کی بلند ترین سطح عبور کر لی ہے۔ کاروباری ہفتے کے تیسرے روز بھی اسٹاک ایکسچینج میں خریداری کا سلسلہ جاری رہا اور 100 انڈیکس میں 1006 پوائنٹس کا اضافہ ریکارڈ کیا گیا، جس کے نتیجے میں انڈیکس ایک لاکھ 70 ہزار 462 پوائنٹس کی سطح پر پہنچ گیا۔

گزشتہ روز کے اختتام پر 100 انڈیکس ایک لاکھ 69 ہزار 456 پوائنٹس پر بند ہوا تھا۔

تبادلہ مارکیٹ میں بھی ڈالر کی قیمت میں کمی دیکھی گئی ہے۔ ایکسچینج کمپنیز ایسوسی ایشن کے مطابق، انٹر بینک مارکیٹ میں 5 پیسے کی کمی کے بعد ڈالر کی قیمت 280 روپے 35 پیسے ہو گئی، جس سے روپے کی قدر میں بہتری سامنے آئی ہے۔