وفاقی حکومت کی جانب سے پیٹرولیم مصنوعات کی قیمتوں میں کمی کا اعلان

مہنگائی سے پریشان عوام کے لیے خوشخبری ہے کہ حکومت نے پیٹرولیم مصنوعات کی قیمتوں میں کمی کر دی ہے۔ اتوار کے روز جاری کیے گئے سرکاری نوٹیفکیشن کے مطابق پیٹرول کی قیمت میں 2 روپے فی لیٹر کمی کی گئی ہے، جس کے بعد نئی قیمت 263 روپے 45 پیسے فی لیٹر مقرر ہوگئی ہے۔

ہائی اسپیڈ ڈیزل کی قیمت میں بھی واضح کمی کی گئی ہے، جس کے تحت 4 روپے 79 پیسے فی لیٹر کمی کے بعد نئی قیمت 279 روپے 65 پیسے فی لیٹر ہو گئی ہے۔

پیٹرولیم ڈویژن کے مطابق نئی قیمتوں کا اطلاق آج رات 12 بجے سے ہوگا اور یہ آئندہ 15 دن تک برقرار رہیں گی۔

قیمتوں میں اس کمی کی بنیادی وجہ عالمی مارکیٹ میں سپلائی کی بہتری اور کویت کی الزور ریفائنری کے یونٹس کی بحالی بتائی جا رہی ہے، جس کے باعث درآمدی اخراجات میں کمی ممکن ہوئی۔