ننکانہ: ( ہاٹ لائن نیوز) بجلی چوری کے مقدمہ میں گواہی دینے کیلیے عدالت جانے والے لیسکو ملازم کو وکلا نے بدترین تشدد کا نشانہ بنا ڈالا۔
تفصیلات کے مطابق ننکانہ میں بجلی چوری کے مقدمے میں گواہی دینے کے لیے عدالت جانے والا لیسکو اہلکار اور لائن مین محمد اسلم پر وکلا نے ایڈیشنل سیشن جج ننکانہ کی عدالت میں بدترین تشدد کیا ہے ۔
ترجمان لیسکو کا کہنا ہے کہ لائن مین محمد اسلم عدالت میں بجلی چوری کی گواہی دینے کے لیے گیا تو عدالت میں منصور اشرف ، محمد عمر تارڑ اور بلال تارڑ نامی وکلا نے اُن پر بدترین تشدد کیا اور انہیں قتل کی دھمکیاں دیں۔
پولیس اہکاروں نے مداخلت کرکے لیسکو اہلکار کی جان بچا لی ، ملزمان کیخلاف سرکاری اہلکار پر تشدد اور کارسرکار میں مداخلت کا مقدمہ درج کرلیا گیا ہے ۔
