27

پرانے ڈیزائن کے نوٹ تبدیل کروانے کی تاریخ بڑھادی گئی

کراچی(ہاٹ لائن نیوز ) اسٹیٹ بینک نے اپنے اعلامیے کہا ہے کہ عوام الناس خصوصی سہولت سے استفادہ کرتے ہوئے 10, 50, 100 اور 1000 روپے مالیت کے کرنسی نوٹ 31 دسمبر 2022 تک تبدیل کرواسکتے ہیں۔قبل ازیں پرانے نوٹوں کی تبدیلی کی آخری تاریخ 31 دسمبر 2021تھی، وفاقی حکومت کے 23دسمبر 2021کے گزٹ اعلامیے کے مطابق مقررہ تاریخ گزرنے کے بعد پرانے ڈیزائن کے نوٹ منسوخ تصور ہوں گے اور انہیں تبدیل کرایا نہیں جا سکے گا۔اس بات پر زور دیا گیا ہے کہ اِن نوٹوں کو تبدیل کرنے کی تاریخ میں وفاقی حکومت کی طرف سے یہ توسیع آخری بار کی گئی ہے اور عوام کو ہدایت کی جاتی ہیکہ وہ اس سہولت سے فائدہ اٹھا کر 31دسمبر 2022 تک ایس بی پی بی ایس سی کے دفاتر سے اپنے پرانے ڈیزائن کے نوٹوں کو تبدیل کرا لیں۔

اس خبر پر اپنی رائے کا اظہار کریں

اپنا تبصرہ بھیجیں