پشاور : ( ہاٹ لائن نیوز) تحریک انصاف پارلیمنٹرینز کے سربراہ پرویزخٹک نے کہا ہے کہ الیکشن میں کامیابی کی صورت میں پاکستان تحریک انصاف کے ساتھ اتحاد ہو سکتا ہے۔
تفصیلات کے مطابق پرویز خٹک سے امریکی قونصل جنرل کی ملاقات ہوئی، ملاقات میں پارٹی کے سیکرٹری اطلاعات ضیاء اللہ بنگش ، وائس چیئرمین محمود خان اور دیگر رہنما بھی موجود تھے۔
ملاقات میں پرویز خٹک نے ملکی سیاسی صورت حال پر تفصیلی تبادلہ خیال کیا اور امریکی قونصل جنرل کو اپنے پارٹی منشور اور انتخابی نعرے کے بارے میں تفصیلی بریفنگ دی ، کسی امریکی سفارت کار کا خیبر پختونخوا میں کسی سیاسی جماعت کے دفتر کا یہ پہلا دورہ تھا۔
اس موقع پر پرویز خٹک کا کہنا تھا کہ پی ڈی ایم میں شامل تمام جماعتیں عوام میں غیرمقبول ہوچکی ہے،آئیندہ الیکشن میں کامیابی کی صورت میں پاکستان تحریک انصاف کے ساتھ اتحاد کا امکان ہے ۔
