51

علی ظفر نے خواجہ سراوں کو بھی لکس اسٹائل ایوارڈز دینے کا مطالبہ کر دیا

لاہور(ہاٹ لائن نیوز ) لکس اسٹائل ایوارڈز میں سال کے بہترین گلوکار کا ایوارڈ حاصل کرنے والے گلوکار علی ظفر نے ایوارڈ وصول کرتے وقت سب کا شکریہ ادا کیا، ساتھ ہی انہوں نے خواجہ سراوں کیلئے بھی آواز اٹھائی۔علی ظفر نے کہا کہ ہم اداکار تو نظروں میں آتے رہتے ہیں، ہمیں تو شہرت ملتی رہتی ہے مگر خواجہ سراوں کو ان کے حقوق دینا، انہیں قبول کرنا بے حد ضروری ہے، میں چاہتا ہوں کہ انہیں بھی اعزاز دیا جائے۔علی ظفر نے درخواست کی کہ اگلے لکس اسٹائل ایوارڈز میں خواجہ سراوں کے لیے بھی مخصوص ایوارڈز رکھے جائیں۔یاد رہے کہ پاکستانی اداکاروں اور فنکاروں کے اعزاز میں لکس اسٹائل ایوارڈز کے 21 ویں ایڈیشن کی رنگا رنگ تقریب لاہور ایکسپو سینٹر میں منعقد ہوئی جس میں بڑی تعداد میں شوبزفنکاروں نے شرکت کی۔

اس خبر پر اپنی رائے کا اظہار کریں

اپنا تبصرہ بھیجیں