26

نیول چیف کی انڈوپیسفک سی پاور کانفرنس 2022 میں شرکت، اہم ملاقاتیں اور بحری تعاون پر تبادلہ خیال

نیول چیف کی جانب سے آسٹریلیا کا دورہ کیا گیا ہے جس دوران انہوں نے انڈو پیسفک سی پاور کانفرنس 2022 میں شرکت کی اور اہم ملاقاتیں بھی کی ہیں۔

ترجمان پاک بحریہ کے مطابق چیف آف دی نیول اسٹاف ایڈمرل محمد امجد خان نیازی نے آسٹریلیا کا دورہ کیا ہے۔

ترجمان پاک بحریہ کا کہنا تھا کہ دورہ آسٹریلیا کے دوران نیول چیف نے سڈنی میں منعقدہ انڈو پیسفک سی پاور کانفرنس 2022 میں شرکت کی۔
ترجمان پاک بحریہ نے بتایا کہ کانفرنس کے دوران اکیسویں صدی میں انڈو پیسفک میری ٹائم ڈومین میں مشترکہ مقاصد پر تبادلہ خیال کیا گیا۔

ترجمان پاک بحریہ کا کہنا تھا کانفرنس کا بنیادی مقصد بحری سیکیورٹی اور سمندری ماحولیاتی نظام کے حوالے سے مشترکہ کاوشوں کی اہمیت کو اجاگر کرنا تھا۔

ترجمان پاک بحریہ نے بتایا کہ کانفرنس میں 40 سے زائد بحری افواج کے وفود اور 700 کے قریب دفاعی کمپنیوں نے شرکت کی۔

ترجمان پاک بحریہ کے مطابق نیول چیف نے کانفرنس کے دوران آسٹریلیا، فرانس، جاپان، کویت اور اسپین کے بحری سربراہان سے بھی ملاقاتیں کیں جس کے دوران باہمی دلچسپی کے امور اور دوطرفہ بحری تعاون پر تبادلہ خیال کیا گیا ۔

ترجمان پاک بحریہ کے مطابق نیول چیف کے اس دورے سے کانفرنس میں شریک دیگر ممالک کی بحری افواج کے ساتھ علاقائی اور عالمی سطح پر سمندری تحفظ کیلٸے دوطرفہ تعاون کو مزید فروغ ملے گا۔

اس خبر پر اپنی رائے کا اظہار کریں

اپنا تبصرہ بھیجیں