یوکرین کے فوجی اڈے کو تباہ کر دیا، روسی فوج کا دعوی 37

یوکرین کے فوجی اڈے کو تباہ کر دیا، روسی فوج کا دعوی

یوکرینی ٹینکوں اوردیگر ہتھیاروں کو تباہ کرنے کیلئے میزائلوں کا استعمال کیا گیا،روسی وزارت دفاع ماسکو(این این آئی)روسی فوج نے دعوی کیا ہے کہ یوکرین کے فوجی اڈے کو تباہ کر دیا ہے جبکہ یوکرین نے کہاہے کہ ڈونیٹسک اور لوہانسک میں کئی بار روسی فوجیوں کو پیچھے دکھیلا ہے۔روسی وزارت دفاع کے ترجمان نے کہا کہ یوکرینی ٹینکوں اور دیگر ہتھیاروں کو تباہ کرنے کیلئے طویل فاصلے تک مار کرنے والے میزائلوں کا استعمال کیا گیا، انہوں نے مزید کہا کہ اوڈیسا کے قریب یوکرین کے فوجی کارگو طیارے کو بھی مار گرایا گیا ہے جو ہتھیاروں سے بھرا ہوا تھا۔یوکرین نے بھی روسی وزارت دفاع کے ترجمان کے بیان کی تصدیق کرتے ہوئے کہا کہ ایک روسی میزائل کو روک لیا گیا تھا، باقی نے فوجی تنصیبات کو تباہ کر دیا۔دوسری جانب یوکرین نے روس کے سرحدی علاقے میں ایک گاں پر حملہ کیا جس میں ایک پل اور فیکٹری کو نقصان پہنچا۔

اس خبر پر اپنی رائے کا اظہار کریں

اپنا تبصرہ بھیجیں