یوراج سنگھ نے اپنے والد کو پاگل قرار دے ڈالا

ہاٹ لائن نیوز : چند روز قبل یوگراج سنگھ نے ایک بھارتی چینل کو انٹرویو دیتے ہوئے ایم ایس دھونی پر الزام لگایا تھا کہ ایم ایس دھونی نے میرے بیٹے کا کیرئیر تباہ کر دیا ہے، میں اسے کبھی معاف نہیں کروں گا، دھونی کو آئینے میں اپنا چہرہ دیکھنا چاہیے۔ وہ ایک عظیم کرکٹر ہیں، لیکن میں کبھی معاف نہیں کروں گا جو اس نے میرے بیٹے کیساتھ کیا۔

اب یوگراج سنگھ کی ایک اور ویڈیو وائرل ہوئی ہے جس میں انہوں نے سابق آل راؤنڈر اور بھارتی کرکٹ ٹیم کے کپتان کپل دیو کو دھمکی دیتے ہوئے کہا ہے کہ میں تمہیں دنیا میں ایسے مقام پر پہنچاؤں گا کہ دنیا تم پر تھوکے گی۔ . کپل دیو نے مجھے ہندوستانی کرکٹ ٹیم سے ڈراپ کرکے میرا کیرئیر ختم کردیا۔

دوسری جانب یوگراج سنگھ کے بیٹے یوراج سنگھ کا بھی اپنے والد سے متعلق بیان سامنے آیا ہے۔

گزشتہ سال نومبر میں دیے گئے ایک پوڈ کاسٹ میں انھوں نے اپنے والد کی ذہنی صحت پر سوال اٹھایا تھا۔ یوراج سنگھ نے اس پوڈ کاسٹ میں کہا تھا کہ ایسا لگتا ہے کہ میرے والد ذہنی مسائل کا شکار ہیں۔ لیکن میرے والد ایسا نہیں سوچتے اور نہ مانتے ہیں۔