ہمارے دورمیں کسی کواحتجاج سے نہیں روکا گیا تھا، شفقت محمود 39

ہمارے دورمیں کسی کواحتجاج سے نہیں روکا گیا تھا، شفقت محمود

شفقت محمود نے کہا ہے کہ ہمارے دورمیں کسی کواحتجاج سے نہیں روکا گیا تھا۔

پاکستان تحریک انصاف کے رہنما شفقت محمود نے پریس کانفرنس کرتے ہوئے کہا ہے کہ پولیس افسران قانون کے مطابق اپنے فرائض انجام دیں، ایسی حرکت نہ کریں کہ کل احتساب کا سامنا کرنا پڑے۔

انہوں نے کہا کہ رانا ثناءاللہ کے کہنے پراحتجاج پرتشدد نہ کیا جائے، ساڑھے3سال میں کسی بیوروکریٹ کے خلاف کارروائی نہیں کی، ہم نےسب پرنظررکھی ہوئی ہے، کسی نے تشدد کیا تو ہم پورا حساب کتاب رکھیں گے۔

شفقت محمود نے کہا ہے کہ کسی نے وفاداریاں دکھانے کی کوشش کی توہم بھولیں گے نہیں، گرفتاریوں کی کوشش کی تو حکومت ذمہ دارہوگی، ہم پرامن مارچ کریں گے، سفید کپڑوں میں کچھ لوگ ہمارے قائدین کے گھر کے باہرگھوم رہے ہیں۔

پاکستان تحریک انصاف کے رہنما نے کہا ہے کہ ہمارے دورمیں کسی کواحتجاج سے نہیں روکا گیا تھا، مولانا فضل الرحمان اسلام آباد میں بیٹھے ہم نے نہیں روکا، رانا ثناءاللہ پولیس تشدد کا پروگرام بنا رہے ہیں۔

انہوں نے کہا کہ گرفتاریوں کیلئے لسٹیں بننے کی اطلاعات ہیں، گرفتاریاں حکومت کی کانپیں ٹانگنےکی نشانی ہے، گرفتاریاں کیں تو پورا پاکستان جام ہوجائے گا، جعلی حکومت کے خلاف پورا پنجاب25مارچ کونکلے گا۔

شفقت محمود نے کہا ہے کہ ملکی تاریخ میں اتنا بڑا اجتماع پہلے کبھی نہیں ہوا ہو گا، شہبازشریف جیسے لوگوں کی وجہ سے ملک کوتکلیفیں اٹھانی ہوتی ہیں۔

اس خبر پر اپنی رائے کا اظہار کریں

اپنا تبصرہ بھیجیں