ہاٹ لائن نیوز : لاہور کے گنگا رام ہسپتال کے سی ٹی سکین اور ایم آر آئی سیکشن سے تعمیراتی کام کے دوران لاکھوں روپے مالیت کی بیٹریاں چوری کر لی گئیں۔
ہسپتال انتظامیہ نے 44 بیٹریاں چوری ہونے کی ایف آئی آر تھانہ سول لائنز میں درج کرادی۔ ایف آئی آر میں کہا گیا کہ قیمتی بیٹریاں ٹھیکیدار اور اس کے کارکنوں نے چوری کیں ، ملزمان نے لاکھوں روپے مالیت کی بجلی کی تاریں اور دیگر سامان بھی چوری کیا۔
ایف آئی آر میں نامزد ملزمان کے بجائے پولیس نے اسپتال کے عملے کو حراست میں لے لیا۔ جس پر ہسپتال انتظامیہ نے واقعہ پر سی سی پی او لاہور کو احتجاجی مراسلہ ارسال کر دیا۔
احتجاجی مراسلے میں کہا گیا کہ پولیس نے انتظامیہ کو بتائے بغیر ڈیوٹی پر موجود ملازمین کو حراست میں لیا، مزید کارروائی کرنے سے قبل انتظامیہ کو اعتماد میں لینا لازم ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
