کینیڈین گلوکار کا سدھو موسے والا کو خراج عقیدت 48

کینیڈین گلوکار کا سدھو موسے والا کو خراج عقیدت

عالمی شہرت یافتہ گلوکار ڈریک نے مقتول بھارتی گلوکار سدھو موسے والا کو خراج عقیدت پیش کیا ہے۔

ڈریک نے اپنی انسٹاگرام اسٹوری پر گلوکار سدھو موسے والا کی والدہ کے ہمراہ ایک یادگار تصویر شیئر کی ہے۔

اس تصویر کو شیئر کرتے ہوئے انہوں نے سدھو موسے والا کے بہیمانہ قتل پر افسوس کا اظہار کیا ہے۔

بھارتی میڈیا کے مطابق ڈریک نے سدھو کو 2020 میں انسٹاگرام پر فالو کرنا شروع کیا تھا۔

واضح رہے کہ مقتول گلوکار سدھو موسے والا کا اصل نام شوبھدیپ سنگھ سدھو تھا۔

انہوں نے گینگسٹرز اور بندوقوں پر بنائی گئی اپنی شعلہ انگیز دھنوں کی وجہ سے شہرت حاصل کی۔

گلوکاری کے علاوہ وہ جٹاں دا منڈا گاونڑ لگا، تیری میری جوڑی اور یس آئی ایم اسٹوڈینٹ جیسی فلموں میں بھی نظر آئے۔

یاد رہے کہ سدھو موسے والا کو اتوار کی شام گولیاں مار کر قتل کردیا گیا جب وہ بھارتی پنجاب سے اپنے لیے سیکیورٹی واپس لینے کی درخواست دینے جا رہے تھے جبکہ ان کے قتل سے ایک دن قبل ہی بھارتی ریاست پنجاب کی حکومت نے سدھو موسے والا سمیت 424 افراد کی سیکیورٹی واپس لی تھی۔

بھارتی میڈیا رپورٹس کے مطابق سنگھ سدھو موسے والا کا قاتل کینیڈا کا گینگسٹر ہے۔

پنجاب پولیس کا کہنا ہے کہ سدھو موسے والا پر حملہ گینگ وار کا شاخسانہ لگتا ہے۔

پولیس کے مطابق کینیڈا کا لارنس بشنوئی گینگ اس قتل میں ملوث ہے، گینگ کے رکن لکی نے کینیڈا سے اس حملے کی ذمہ داری قبول کی ہے۔

دوسری جانب سدھو موسےوالا کے والد نے انکشاف کیا ہے کہ گلوکار کو کچھ عرصے سے نامعلوم افراد کی جانب سے تاوان کی کالیں آ رہی تھیں۔

والد نے کہا کہ اتوار کو میرا بیٹا اپنے دوستوں گروندر سنگھ اور گرپریت سنگھ کے ساتھ کار میں روانہ ہوا تھا، اس وقت شبھ دیپ بلٹ پروف فارچونر اور دو گارڈز کو اپنے ساتھ لینے کے بجائے گھر سے نہتا نکلا تھا۔

اس خبر پر اپنی رائے کا اظہار کریں

اپنا تبصرہ بھیجیں