کیا نیلے پھل واقعی نیلے ہوتے ہیں؟

ہاٹ لائن نیوز : کیا آپ نے کبھی سوچا ہے کہ نیلے رنگ کے پھل اتنے نایاب کیوں ہیں؟ اس سے بھی زیادہ حیران کن بات یہ ہے کہ جو پھل ہمیں نیلے نظر آتے ہیں وہ دراصل نیلے نہیں ہوتے ۔

میڈیا رپورٹس کے مطابق برطانیہ کی یونیورسٹی آف برسٹل کے سائنسدانوں نے گہرے رنگ کے پھلوں پر تحقیق کی جن پر موم کی بہت پتلی تہہ ہوتی ہے جیسے کہ بلیو بیری، بلیو کارن وغیرہ ۔

سائنسدانوں نے اپنی تحقیق میں پایا کہ ان پھلوں کی ظاہری رنگت کے لیے ایک پیچیدہ قدرتی طریقہ کار دراصل ذمہ دار ہے۔ محققین نے کہا کہ بلیو بیریز نیلے رنگ کے دکھائی دیتے ہیں حالانکہ ان میں سرخ رنگ ہوتا ہے۔

اس کی وجہ ان کے اوپر موم کی تہہ ہے جس میں چھوٹے چھوٹے ذرات ہوتے ہیں جو نیلی اور بالائے بنفشی روشنی کو بکھیرتے ہیں۔ یہی وجہ ہے کہ بلیو بیریز انسانی آنکھ میں نیلی نظر آتی ہیں۔