کیاڈی جی آئی ایس آئی کو توسیع دی جائے گی ؟

0
60

کراچی: ( ہاٹ لائن نیوز) پاکستان کے سینئر ترین صحافی کامران خان نے ایکس پر ایک پوسٹ میں یہ دعویٰ کیا ہے کہ ڈی جی آئی ایس آئی لیفٹیننٹ جنرل ندیم انجم کو توسیع دینے کا فیصلہ کر لیا گیا ہے۔

کامران خان نے دعویٰ کیا ہے کہ آرمی چیف سید عاصم منیر نے لیفٹیننٹ جنرل کی خدمات میں توسیع کا فیصلہ کر لیا ہے۔ جنرل ندیم احمد انجم بطور ڈائریکٹر جنرل انٹر سروسز انٹیلی جنس مزید 1 سال تک اپنے عہدے پر فائز رہیں گے۔

سنئیر اینکر پرسن نے کہا ہے کہ پاکستان کی معیشت کو درپیش اہم مسائل سے نمٹنے کے لیے چلائی جانے والی مہم میں متعلقہ سویلین ایجنسیوں کے ساتھ مل کر آئی ایس آئی اسمگلنگ کے خاتمے، ڈالر کی اڑان کا مقابلہ کرنے، اور تیز رفتار نجکاری کی سہولیات فراہم کرنے میں مرکزی کردار ادا کرے گی۔ ریاستی اداروں کی تنظیم نو اور سندھ میں سرکاری بدعنوانی کے خاتمے کے خلاف بھی کارروائی کرے گی۔

واضح رہے کہ لیفٹیننٹ جنرل ندیم انجم کی بطور تھری سٹار جنرل اس ہفتے کے آخر میں معیاد ختم ہونے والی ہے ۔

Leave a reply