کورین گلوکار نے مسلمانوں سے معافی کیوں مانگی

سیول: ( ہاٹ لائن نیوز) کوریا کے معروف بینڈ بی ٹی ایس کے ممبر کو اسلام کے خلاف پوسٹ شیئر کرنے پر شدید ٹرولنگ کا سامنا کرنا پڑ گیا ۔

معروف ریپر نے اپنی انسٹاگرام اسٹوریز پر فرینک اوشن کا ایک گانا شیئر کیا تھا جو مبینہ طور پر اسلام کے خلاف تھا۔

سوشل میڈیا پرپوسٹ آتے ہی وائرل ہوگئی اور سوشل میڈیا صارفین نے اسلام مخالف گانا شیئر کرنے کی وجہ سے گلوکار سے معافی کا مطالبہ کر دیا اور اس کا ٹرینڈ بھی چلنے لگا۔

سوشل میڈیا پر شدید تنقید کے بعد کم نام جون نے ایک وضاحتی ویڈیو پیغام جاری کیا ، جس میں گلوکار نے بتایا ہے کہ وہ کسی مذہب کی توہین کا تصور بھی نہیں کر سکتے۔

انہوں نے کہا ہے کہ وہ کسی مذہب کی توہین نہیں کرنا چاہتے اور وہ تمام مذہب کا احترام کرتے ہیں ۔