ہاٹ لائن نیوز : عارف والا میں ڈاکوئوں نے خواجہ سراؤں سے کار، نقدی، طلائی زیورات لوٹ لیے۔ پولیس نے دو ڈاکوؤں کو گرفتار کر لیا۔
خواجہ سرا حاصل پور سے اوکاڑہ جا رہے تھے کہ عارف والا بائی پاس پر سات مسلح ڈاکوؤں نے گن پوائنٹ پر کار، موبائل، نقدی و طلائی زیورات لوٹ لیے۔ ملزمان انہیں اغوا کر کے لے گئے جہاں انہوں نے خواجہ سراؤں کو تشدد کا نشانہ بنایا ۔
ورچوئل ویمن تھانے کو خواجہ سراؤں کی کال موصول ہوئی تو پولیس متحرک ہوگئی۔ گاؤں 66 ای بی کے قریب پولیس نے ناکہ بندی کرکے مشکوک گاڑی کو روکا تو ڈاکوؤں نے پولیس پر فائرنگ کردی۔ پولیس نے دو ڈاکوؤں کو گرفتار کر کے مسروقہ کار، نقدی و زیورات برآمد کر لیے۔ دیگر ملزمان کی گرفتاری کے لیے چھاپے مارے جا رہے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
