ہاٹ لائن نیوز : پی ٹی آئی کے امیدوار کو پولیس کی جانب سے ہراساں کرنے پر عدالت نے جواب مانگ لیا
لاہور ہائیکورٹ میں پی ٹی آئی امیدوار عظیم اللہ کی پولیس چھاپوں کیخلاف درخواست پر سماعت ہوئی ۔
عدالت نے درخواست ابتدائی سماعت کیلئے منظور کرلی ، عدالت نے درخواست پر حکومت پنجاب سمیت دیگر سے 26 جنوری کو جواب طلب کرلیا ۔
جسٹس شہرام سرور چوہدری نے امیدوار عظیم اللہ کی درخواست پر سماعت کی ۔
درخواست میں حکومت پنجاب، آئی جی سمیت دیگرکوفریق بنایاگیا ہے۔
درخواست میں موقف اختیار کیا گیا ہے کہ درخواست گزار لاہور پی پی 163 سے الیکشن لڑ رہا ہے ، پولیس نے گھر اور آفس پر گرفتاری کیلئے چھاپے مارے ، پولیس نے بیٹے کو گرفتار کرکے دھمکیاں دیں ، الیکشن مہم روکنے اور الیکشن نہ لڑنے کیلئے دھمکایا جارہا ہے ۔
درخواست میں استدعا کی گئی ہے کہ عدالت پولیس کو ہراساں کرنے سے روکنے کا حکم دے اور درج کیسز کی تفصیلات طلب کرے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
