ہاٹ لائن نیوز : خیبرپختونخوا کے دارالحکومت پشاور میں ریگی ماڈل ٹاؤن تھانے پر دہشت گردوں نے حملہ کیا۔
پولیس کیمطابق دہشت گردوں نے تھانے کی جانب 2 راکٹ فائر کیے تاہم حملے میں کوئی جانی نقصان نہیں ہوا۔
پولیس کا کہنا ہے کہ ڈیوٹی پر موجود پولیس اہلکاروں نے دہشت گردوں کے حملے کو پسپا کردیا جب کہ حملہ آور موقع سے فرار ہوگئے۔
اطلاع ملتے ہی ایس پی ورسک ڈویژن مختیار علی پولیس کی بھاری نفری کیساتھ فوری طور پر موقع پر پہنچے اور علاقے کو گھیرے میں لے کر سرچ آپریشن شروع کیا جو رات گئے تک جاری رہا۔
حملے کے حوالے سے سی ٹی ڈی پولیس کو بھی آگاہ کر دیا گیا ہے اور رپورٹ درج کر کے مزید تفتیش کی جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
