پرویز الہٰی نے پی ٹی آئی اراکین اسمبلی سے گفتگو کے دوران کیا شکوہ کیا؟ 36

پرویز الہٰی نے پی ٹی آئی اراکین اسمبلی سے گفتگو کے دوران کیا شکوہ کیا؟

اسپیکر پنجاب اسمبلی اور مسلم لیگ ق کے رہنما چوہدری پرویز الٰہی نے پی ٹی آئی اراکین صوبائی اسمبلی سے گفتگو کے دوران سانحہ ماڈل ٹاؤن کے مرکزی کرداروں کو سزا نہ دینے کا شکوہ کر ڈالا۔
چوہدری پرویز الہٰی سے پی ٹی آئی اراکین پنجاب اسمبلی نے ملاقات کی جس میں ملک اور بالخصوص پنجاب کی سیاسی صورت حال پر تبادلہ خیال کیا گیا ہے۔اور اس موقع پر چوہدری پرویز الٰہی کا کہنا تھا عمران خان نے حکومت کو کچھ دن کی مہلت دی ہے، حکومت جلد از جلد الیکشن کی تاریخ کا اعلان کرے۔
چوہدری پرویز الٰہی کا کہنا تھا سانحہ ماڈل ٹاؤن کے مرکزی کرداروں کو سزا دی ہوتی تو لانگ مارچ کے دوران جو کچھ ہوا یہ نہ ہوتا۔جبکہ اسپیکر پنجاب اسمبلی کا یہ بھی کہنا تھا کہ شہروں کے داخلی و خارجی راستوں پر ایک بارپھرکنٹینرکھڑے کر دیے گئے ہیں۔ رہنما مسلم لیگ ق کا کہنا تھا ہم نے ہمیشہ عوامی فلاحی منصوبے شروع کیے، ریسکیو 1122 پنجاب میں بھرپور کامیابی کے ساتھ چل رہی ہے، یہ سروس سندھ حکومت نے بھی شروع کر دی اُن کا شکریہ۔

اس خبر پر اپنی رائے کا اظہار کریں

اپنا تبصرہ بھیجیں