پرویز الٰہی کے پرنسپل سیکرٹری محمد خان بھٹی پر الزامات کی تفصیلات سامنے آ گئیں

لاہور: ( ہاٹ لائن نیوز) نیب کی کک بیکس کی تحقیقات میں سابق وزیر اعلی پرویز الٰہی کے پرنسپل سیکرٹری محمد خان بھٹی پر الزامات کی تفصیلات سامنے ا گئیں ۔

نیب رپورٹ کے مطابق محمد خان بھٹی نے شریک ملزمان کے ساتھ ملکر غیر قانونی سکیمیں منظور کرائیں ۔کک بیکس کے لیے من پسند کنٹریکٹرز کو ٹھیکے دلوائے ۔

اب تک کی تحقیقات کے مطابق محمد خان بھٹی کرپشن اور کرپٹ پریکٹسز میں ملوث پائے گئے ہیں ۔ نیب کے مطابق محمد خان بھٹی نے شریک ملزمان سے ملکر قومی خزانے کو نقصان پہنچایا ۔

محمد خان بھٹی نے من پسند افسران کو گجرات میں تعینات کرا کے فوائد لیے ۔ سابق پرنسپل سیکرٹری پانچ دن کے جسمانی ریمانڈ پر نیب کی تحویل میں ہیں ۔

احتساب عدالت نے آئندہ سماعت پر محمد خان بھٹی سے ہونے والی تفتیش سے متعلق رپورٹ بھی طلب کر رکھی ہے ۔