پاکستان تحریک انصاف کے چیئرمین عمران خان نے کہا ہے کہ پرامن احتجاج شہریوں کا حق ہے اور ہماری خلاف یہ کریک ڈاؤن حکومت پر سنجیدہ سوالات اٹھا رہا ہے۔
سماجی رابطے کی ویب سائٹ پر اپنے ایک پیغام میں سابق وزیراعظم عمران خٓن نے پی ٹی آئی کے رہنماؤں اور کارکنان کے خلاف حکومتی کارروائیوں کے متعلق اپنے خیالات کا اظہار کیا ہے۔
پرامن احتجاج ہمارےشہریوں کاحق ہے۔ پنجاب+ اسلام آباد میںPTI کارکنان+رہنماؤں کیخلاف ظالمانہ چھاپوں نے ایک مرتبہ پھرہمیں وہی کچھ دکھایاہےجس سےہم واقف ہیں کہ جب بھی اقتدار ہاتھ لگتاہے نون لیگ فسطائیت پراترتی ہے۔یہ کریک ڈاؤن(کٹھ پتلیوں کی) ڈوریاں تھامنے والوں پربھی سنجیدہ
— Imran Khan (@ImranKhanPTI) May 23, 2022
عمران خان نے اپنے پیغام میں کہا کہ پنجاب، اسلام آباد میںکارکنان اور رہنماؤں کیخلاف ظالمانہ چھاپوں نے ایک مرتبہ پھ ہمیں وہی کچھ دکھایاہےجس سے ہم واقف ہیں کہ جب بھی اقتدار ہاتھ لگتاہے نون لیگ فسطائیت پراترتی ہے ۔
انہوں نے کہا کہ ہمارے خلاف یہ کریک ڈاؤن کٹھ پتلیوں پربھی سنجیدہ سوالات اٹھارہا ہے۔
انہوں نے خبردار کرتے ہوئے کہا کہ یہ غیر جمہوری اور سفاکانہ اقدامات معاشی صورتحال میں مزید ابتری کے موجب بنیں گے اور ملک کو طوائف الملوکی کی جانب دھکیلیں گے۔
عمران خان نے اپنے پیغام میں واضح کیا کہ ڈیموکریٹس اور کلپٹوکریٹس میں یہی تو فرق ہوتا ہے کہ ہماری حکومت کیخلاف پیپلزپارٹی، مسلم لیگ نواز اور جمعیت علمائے اسلام کے جلوسوں کو روکا گیا نہ ہی ہم نے انکے کارکنان کیخلاف کسی قسم کی چھاپہ مار کارروائیاں کیں۔
