مکہ میں بجلی ہمیشہ ایک ہی جگہ کیوں گرتی ہے ؟

مکہ : ( ہاٹ لائن نیوز) مکہ المکرمہ میں جب گرج چمک ہوتی ہے تو آسمانی بجلی ہمیشہ کلاک ٹاور پر گرتی ہے آخر ہمیشہ ایسا ہی کیوں ہوتا ہے؟

مکہ المکرمہ میں گزشتہ دنوں طوفانی بارش ہوئی ، جس نے نظام زندگی کو معطل کر کے رکھ دیا ، اسی دوران حرم شریف کے باہر دنیا کے سب سے بلند کلاک ٹاور پر آسمانی بجلی گری جس کی ویڈیو سوشل میڈیا پر خوب وائرل ہوئی۔

مکہ مکرمہ میں جب بھی بجلی چمکتی ہے یہ آسمانی بجلی کلاک ٹاور پر ہی گرتی ہے، لوگ ہمیشہ اس اتفاق سے متعلق کافی حیران تھے ۔

آسمانی بجلی ہمیشہ ٹاور پر لگے ہوئے چاند پر ہی گرتی ہے اور اسکی بڑی وجہ یہ ہے کہ اس میں آسمانی بجلی کو اپنی طرف کھینچنے کے لیے کنڈکٹرز اور 800 کے قریب راڈز موجود ہیں جو کلاک ٹاور کی گھڑی اور لائٹس کو محفوظ رکھتے ہیں۔

آسمانی بجلی جب زمین کی طرف بڑھتی ہے تو یہ کنڈکٹرز اس کو اپنی جانب کھینچ لیتے ہیں اور کئی ملین واٹ کی بجلی کو المونیم کی کیبل کے ذریعے زمین کی تہہ تک پہنچا دیتے ہیں ۔