عوام نے عمران خان کو ووٹ دے کر مخالفین کی تمام چالیں ناکام بنا دیں، عثمان بزدار 17

عوام نے عمران خان کو ووٹ دے کر مخالفین کی تمام چالیں ناکام بنا دیں، عثمان بزدار

سابق وزیر اعلیٰ پنجاب عثمان بزدار نے کہا ہے کہ عوام نے عمران خان کو ووٹ دے کر مخالفین کی تمام چالیں ناکام بنا دیں۔

تفصیلات کے مطابق سابق وزیر اعلیٰ پنجاب عثمان بزدار نے ٹوئٹر پر جاری ایک پیغام میں کہا ہے کہ اللّٰہ کے فضل و کرم سے پنجاب کے غیور عوام نے عمران خان کے بیانیے کو ووٹ دے کر مخالفین کی تمام چالیں ناکام بنا دیں۔

واضح رہے کہ پنجاب کے 20 حلقوں میں ہونے والے ضمنی انتخابات کے غیر حتمی اور غیر سرکاری نتائج کے مطابق پاکستان تحریک انصاف نے 15 نشستیں اپنے نام کرلیں جب کہ مسلم لیگ (ن) کو صرف 3 سیٹوں پر کامیابی ملی اور ایک سیٹ آزاد امیدوار کے حصے میں آئی۔

پنجاب میں پی ٹی آئی اتحاد کو سادی اکثریت حاصل ہوگئی اور یوں پنجاب کے وزارت اعلیٰ کی سیٹ اب تحریک انصاف کے امیدوار کی ہی ہوگی، پی ٹی آئی اتحاد نے 186 نشستیں حاصل کرلیں، پنجاب میں پی ٹی آئی کی 176 اور مسلم لیک (ق) کی 10 نشستیں ہیں۔

پولنگ صبح آٹھ بجے شروع ہوئی جو بغیر کسی وقفے کے پانچ بجے تک جاری رہی، اس موقع پر سیکیورٹی کے سخت انتظامات کیے گئے تھے، صوبے کے 14 اضلاع کے ضمنی انتخابات میں 175 امیدوار آمنے سامنے ہیں۔

اس خبر پر اپنی رائے کا اظہار کریں

اپنا تبصرہ بھیجیں