
ہاٹ لائن نیوز : لاہور ہائیکورٹ میں تحریک انصاف کے رہنما علی امین گنڈا پور نے خفیہ مقدمات میں گرفتاری رکوانے کے لیے عدالت سے رجوع کر لیا ۔
درخواست میں پنجاب بھر میں درج مقدمات اور انکوائریز، انوسٹی گیشن کی تفصیلات مانگی گئی ہیں ۔
درخواست میں آئی جی پنجاب، چیف سیکرٹری، اینٹی کرپشن اور ایف آئی اے کو فریق بنایا گیا ہے ۔
درخواست میں موقف اختیار کیا گیا ہے کہ بدنیتی کی بنیاد پر درجنوں مقدمات درج کر لیے گئے ہیں ، سیاسی انتقام کا نشانہ بنانے کے لیے مقدمات درج کر کے سیل کر دیے گئے ہیں ، خفیہ مقدمات میں گرفتاری کا خدشہ ہے۔
عدالت سے استدعا کی گئی ہے کہ لاہور ہائیکورٹ خفیہ مقدمات کی تفصیلات پیش کرنے کا حکم دے ، عدالت خفیہ مقدمات میں گرفتاری بھی روکنے کا حکم دے۔