ہاٹ لائن نیوز : چیف الیکشن کمیشنر سکندر سلطان راجہ کے بھتیجے کو ملازمت پر کنفرم نہ کرنے کے معاملہ پر لاہور ہائیکورٹ، چیئرمین پنجاب ریونیو اتھارٹی جاوید بدر کی عہدے سے ہٹانے کےخلاف درخواست پرسماعت ہوئی ۔
عدالت نے وفاقی حکومت کا جاوید بدر کو عہدے سے ہٹانے کا نوٹیفکیشن معطل کر دیا ، عدالت نےآئندہ سماعت پر فریقین سےجواب طلب کرلیا ۔
جسٹس ساجدمحمودسیٹھی نےجاوید بدر کی درخواست پرسماعت کی ۔
درخواست میں موقف اختیارکیا گیا ہے کہ چیف الیکشن کمیشنر کے بھتیجے کو گریڈ 19 میں بھرتی کیا گیا ، ترقی تبادلوں پر پابندی کے باوجود چند افسران کی مستقلی کی سمری چیف الیکشن کمیشنر کو بھجوائی گئی ، چیف الیکشن کمیشنر آف پاکستان نےصرف اپنے بھتیجےکی مستقلی کو منظور کیا باقی کومسترد کردیا، درخواست گزار نےقانون کے برعکس چیف الیکشن کمیشنر آف پاکستان کے بھتیجے کومستقل نہیں کیا ، چیئرمین الیکشن کمیشن آف پاکستان نےرنجش کی بنا پر درخواست گزارکو عہدےسےہٹانے کانوٹیفکیشن جاری کرایا ، درخواست گزارکو قانون کےبرعکس عہدےسےہٹانے کا نوٹیفکیشن جاری کیا گیا ۔
درخواست میں استدعا کی گئی ہے کہ عدالت درخواست گزار کو عہدے سے ہٹانے کا نوٹیفکیشن کالعدم قرار دے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
