شاہد خاقان عباسی کا اہم اعلان

ہاٹ لائن نیوز : پاکستان مسلم لیگ (ن) کے سابق رہنما شاہد خاقان عباسی کا کہنا ہے کہ وہ الیکشن نہیں لڑیں گے۔

اسلام آباد کی احتساب عدالت میں شاہد خاقان عباسی کے خلاف دائر ایل این جی ریفرنس کی سماعت ہوئی، احتساب عدالت کے جج محمد بشیر نے کیس کی سماعت کی۔

شاہد خاقان عباسی کے وکیل یاسر اعوان عدالت میں پیش ہوئے اور کہا کہ سپریم کورٹ میں انٹرا کورٹ اپیل زیر سماعت ہے، فیصلہ آنے تک سماعت ملتوی کی جائے۔

جس پر عدالت نے کیس کی سماعت 13 فروری 2024 تک ملتوی کر دی۔

جوڈیشل کمپلیکس کے باہر میڈیا سے بات کرتے ہوئے شاہد خاقان عباسی نے کہا کہ الیکشن نہیں لڑوں گا۔

انہوں نے کہا کہ آج اس کیس کو چار سال ہو گئے ہیں، پانچواں سال شروع ہو گیا ہے۔

شاہد خاقان عباسی نے کہا کہ ایک کیس پہلے بھی بنا تھا وہ بھی ختم، یہ بھی ختم ہو جائے گا۔

انہوں نے کہا کہ 14 سال میں ایک گواہ آیا ہے، آپ کا ملک اس نظام سے نہیں چلے گا۔

ان کا مزید کہنا تھا کہ سپریم کورٹ کے سابق جج جاوید اقبال کو معلوم نہیں تھا کہ یہ کیس غیر سنجیدہ ہے۔ جب وہ بری ہو جائے گا تو کہا جائے گا کہ انصاف ہو گیا۔ اس ظلم کا حساب کون دے گا؟