ہاٹ لائن نیوز : کراچی سے لاہور جانے والی شالیمار ایکسپریس کو حادثہ پیش آیا۔
ترجمان ریلوے کے مطابق کراچی کے علاقے بن قاسم کے قریب شالیمار ایکسپریس کی 3 بوگیاں پٹری سے اتر گئیں تاہم کوئی جانی نقصان نہیں ہوا۔
شالیمار ایکسپریس کی بوگیاں پٹڑی سے اترنے کے بعد اپ اور ڈاؤن ٹریک بند کر دیا گیا۔ حادثے کے باعث پشاور سے آنے والی خیبر میل کو جنگ شاہی اسٹیشن، پشاور جانے والی عوام ایکسپریس کو جمعہ گوٹھ اسٹیشن اور ہزارہ ایکسپریس کو حویلیاں سے بن قاسم کی جانب روک دیا گیا۔
ترجمان کے مطابق امدادی ٹرین جائے حادثہ کی طرف روانہ کر دی گئی ہے۔ واضح رہے کہ 4 روز قبل بھی کراچی سے لاہور جانے والی شالیمار ایکسپریس کو پڈعیدن کے قریب حادثہ پیش آیا تھا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔