سپہ سالار کی قیادت میں دشمن کو بھرپور جواب دیں گے

سپہ سالار کی قیادت میں دشمن کو بھرپور جواب دیں گے

چیئرمین مرکزی رویت ہلال کمیٹی مولانا عبدالخبیر نے کہا کہ بھارت نے جارحیت کی تو سپہ سالار جنرل عاصم منیر کی قیادت میں دشمن کو منہ توڑ جواب دیا جائے گا، انہوں نے کانفرنس سے خطاب کے دوران کہا کہ آج قومی یکجہتی کانفرنس کا انعقاد کیا گیا ہے جس میں تمام مکاتب فکر سے تعلق رکھنے والے علمائے کرام موجود ہیں، پاکستان لاکھوں قربانیوں کے بعد وجود میں آیا، آج ہم کو اس ملک کے لیے اپنا کردار ادا کرنا چاہیے۔

چیئرمین رویت ہلال کمیٹی کا کہنا ہے کہ ملک کا دفاع مضبوط ہاتھوں میں ہے، ملک خوشحالی اور ترقی کی راہ پر چل پڑا ہے، پاکستان پر کوئی آنچ نہیں آنے دی جائے گی، پاکستان کی ترقی اور اس کا استحکام دشمن کو ہضم نہیں ہو رہا، اور دشمن پاکستان کے خلاف چالیں چل رہا ہے، ہماری امن کی خواہش کو ہماری کمزوری نہ سمجھا جائے۔ بھارت بھول گیا ہے کہ اس ایٹمی قوت کو پانی بند کرنے کی دھمکی دی ہے، عوام پاک افواج کے شانہ بشانہ کھڑی ہے، اگر کسی نے میلی آنکھ سے دیکھا تو اس کی آنکھیں نکال لیں گے۔