لاہور ( کورٹ رپورٹر )
لاہور ہائیکورٹ کےجسٹس فاروق حیدر کی سربراہی میں دو رکنی بینچ نے ہزاروں سمگل شدہ گاڑیوں کی رجسٹریشن کے سکینڈل کی نیب انکوائری کےلئے درخواست پر ڈی جی انٹی کرپشن کو درخواست پر جلد فیصلہ کرنے کا حکم دیدیا، عدالت نے درخواست گزار کو ڈی جی اینٹی کرپشن کو درخواست دینے کی ہدایت کرتے ہوئے کہا
کہ معاملہ ڈی جی اینٹی کرپشن کے دائرہ اختیار میں بھی آتا ہے وہی کارروائی کرسکتا ہے، درخواست میں موقف اپنایا گیا کہ سرکاری ادارے کے جعلی لیٹر پر ہزاروں سمگل شدہ گاڑیوں کو رجسٹرڈ کیاگیا، سمگل شدہ گاڑیوں کی غیر قانونی رجسٹریشن کے ذریعے قومی خزانے کو اربوں روپے کانقصان پہنچایاگیا
،نیب کی انکوائری میں جعل سازی ثابت ہوگئی ایکسائز کے ملوث افسران اور عملے کو کیفر کردار تک پہنچانے کی بجائے انکوائری بھی انہی کے پاس بھجوادی، عدالت قومی خزانے کوناقابل تلافی نقصان پہنچانے والوں کےخلاف کارروائی کرنے کے احکامات صادر کرے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
