سعودی عرب جانےوالاخطرناک گروہ پکڑاگیا

لاہور:(ہاٹ لائن نیوز) عمرے کی آڑ میں سعودی عرب جانے کے لیے تیار بھکاریوں کا گروہ گرفتار کر لیا گیا۔

اینٹی ہیومن ٹریفکنگ سرکل لاہور نے کارروائی کرتے ہوئے عمرے کی آڑ میں بھیک مانگنے سعودی عرب جانے والے 2 خواتین اور 2 مردوں سمیت 4 ملزمان کو گرفتار کر لیا۔

ملزمان کو ایف آئی اے امیگریشن نے لاہور ایئرپورٹ پر اتار کر پولیس کے حوالے کر دیا۔ گرفتار ملزمان کئی بار سعودی عرب، عراق اور ایران بھیک مانگنے جا چکے ہیں۔ ملزمان کو سعودی عرب پہنچنے پر پاکستانی ایجنٹوں نے ان کا استقبال کرنا تھا۔

دوران تفتیش ملزم نے مزید انکشاف کیا کہ بھیک مانگ کر کمائی گئی رقم کا آدھا حصہ اپنے سب ایجنٹ کو دینا تھا۔ ایف آئی اے ترجمان کے مطابق ملزمان اور ایجنٹس کے خلاف مقدمہ درج کرکے مزید تفتیش شروع کردی گئی ہے۔