سربازخان نےتاریخ رقم کردی

لاہور: (ہاٹ لائن نیوز) پاکستانی کوہ پیما سرباز خان نے تاریخی کامیابی حاصل کرلی ہے وہ 8 ہزار میٹر سے بلند 13 چوٹیاں سر کرنے والے پہلے کوہ پیما پاکستانی بن گئے ہیں۔

اب سے کچھ دیر پہلے سرباز خان نے دنیا کی چھٹی بلند چوٹی “چو ایو” کو سر کر کے نئی تاریخ رقم کردی ہے۔

چین میں واقع چوٹی چو ایو کی اونچائی 8,188 میٹر ہے، سرباز نے بغیر کسی مصنوعی آکسیجن کے چو ایو کو سر کرلیا ہے، قومی کوہ پیما سرباز 10 “ایٹ تھاوزنڈرز” کو بغیر آکسیجن کے سر کرنے والے پہلے پاکستانی بن گئے ہیں۔

گزشتہ شب سرباز خان نے کیمپ ون سے پیش قدمی کا آغاز کیا تھا، پاکستانی کوہ پیما اب سے کچھ دیر پہلے ہی چو ایو چوٹی کے ٹاپ پر پہنچے تھے۔

قومی کوہ پیما کو “مشن 14” مکمل کرنے کیلئے اب صرف ایک چوٹی کو سر ہے،بتایا جارہاہے کہ سرباز رواں سیزن میں ہی شیشاپنگما کو بھی سر کرلیں گے۔