سائبر کرائم کی شکایات لاکھوں تک پہنچ گئیں

ہاٹ لائن نیوز : فیڈرل انویسٹی گیشن ایجنسی نے سائبر کرائم کے واقعات کے تفصیلی اعداد و شمار کا انکشاف کیا ہے۔

رپورٹ میں گزشتہ پانچ سالوں میں ہونیوالی شکایات، تحقیقات اور کیے گئے اقدامات پر روشنی ڈالی گئی ہے۔

ایجنسی کی رپورٹ میں کہا گیا ہے کہ اسے سائبر کرائم سے متعلق تقریباً 663,000 شکایات موصول ہوئیں، واقعات کی مزید تفتیش کیلیے 73ہزار,825 انکوائریاں شروع کی گئیں۔

ایف آئی اے کے مطابق ان مقدمات کی تفصیلی تحقیقات کے بعد ایف آئی اے نے مبینہ ملزمان کے خلاف 5 ہزار 713 باضابطہ مقدمات درج کیے ہیں۔ تحقیقات کے نتیجے میں سائبر کرائم کی مختلف سرگرمیوں میں ملوث 7ہزار سے زائد افراد کو گرفتار کیا گیا۔

رپورٹ میں استغاثہ کے نتائج پر بھی روشنی ڈالی گئی ہے، جس میں انکشاف کیا گیا ہے کہ اس عرصے کے دوران 222 افراد کو سائبر کرائم کا مجرم ٹھہرایا گیا۔