زلزلےکی پیشگوئی ، انتظامیہ کابڑافیصلہ

کوئٹہ : (ہاٹ لائن نیوز) ضلعی انتظامیہ کوئٹہ نے زلزلے کے خدشے کے پیش نظر بڑا فیصلہ کر لیا ہے۔

میڈیا رپورٹس کے مطابق اسسٹنٹ کمشنر کوئٹہ نے ضلع میں 2 دن کیلئے کان کنی پر مکمل پابندی عائد کردی ہے اور باقاعدہ نوٹیفکیشن بھی جاری کردیا گیا ہے۔

نوٹیفکیشن میں کہا گیا ہے کہ 2 دن تک کان کنوں کو کانوں میں جانے کی اجازت نہیں دی جائے گی، 2 دنوں کے دوران کسی بھی نقصان کی ذمہ داری ٹھیکیدار یا کان کے مالک پر ہوگی۔

دوسری طرف محکمہ موسمیات نے کہا ہے کہ زلزلہ کب اور کہاں آئے گا اس کی پیشگوئی نہیں کی جا سکتی۔

جیومیٹری سروے کی پیش گوئی پر اپنے موقف کا اظہار کرتے ہوئے محکمہ موسمیات نے کہا ہے کہ زمین کے اندر 2 بڑی پلیٹوں کی سرحدیں پاکستان کے درمیان سے گزرتی ہیں۔

یہ سرحدیں سونمیانی سے لے کر پاکستان کے شمالی علاقوں تک پھیلی ہوئی ہیں، ان باؤنڈری لائنوں کے اندر کسی بھی مقام پر زلزلہ آ سکتا ہے۔