ہاٹ لائن نیوز : لاہور ہائیکورٹ نے پرائیویٹ دفاتر میں ہفتے کے دو روز ورک فرام ہوم کرنے کا حکم دے دیا ،عدالت نے پنجاب حکومت کو نوٹیفکیشن جاری کرنے کی ہدایت کردی ۔
لاہور ہائیکورٹ کے جسٹس شاہد کریم نے شہری ہارون فاروق سمیت دیگر کی درخواستوں پر سماعت کی ، دوران سماعت مختلف محکموں نے عملدرآمد رپورٹس پیش کیں ۔
عدالت میں ڈپٹی کمشنر کے وکیل نے بتایا کہ دس بجے کاروبار بند نہ کرنے والے 36 کیفے اور ریسٹورنٹس کو سیل اور جرمانہ کیا گیا ، کیفے اور ریسٹورنٹس کے مالکان نے ڈی سیل کر دیے ہیں ۔ عدالت نے بیان حلفی جمع نہ کرانے والے کیفے اور ریسٹورنٹس ڈی سیل کرنے والے مالکان کے خلاف مقدمات درج کیے جائیں ۔
عدالت نے اظہار ناراضگی کرتے ہوئے سرکاری وکیل کو باور کرایا کہ عدالتی حکم تھا کہ ہفتے کے روز سکول بند رکھے جائیں اور عدالت نے کہا تھا کہ ہفتے میں دو روز ورک فرام ہوم کریں۔حکومت نے میرے احکامات کو نظر انداز کیا ۔
عدالت میں سرکاری وکیل نے کینال روڑ پر پرانے خشک ہونے والے درختوں کو کاٹ کر نئے سرسبز درخت لگانے کی اجازت مانگی ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
