خزانے کے خواب نے 71 سالہ شہری کی جان لے لی

ہاٹ لائن نیوز : برازیل کی میونسپلٹی اپٹنگا سے تعلق رکھنے والے 71 سالہ جوا پیمینٹا نے خواب دیکھا کہ اپنے گھر کے کچن کے فرش کے نیچے بہت سا سونا دفن ہے تو اس نے اسے ڈھونڈنے کے لیے گڑھا کھودنے کا فیصلہ کیا۔

جواپیمینٹا نے ایک قریبی خاندان کو بھی اپنے خواب کے بارے میں بتایا۔ پہلے تو پڑوسیوں نے اس کا مذاق اڑایا لیکن جو پیمینٹا آخرکار انہیں راضی کرنے میں کامیاب ہو گیا اور پڑوسیوں نے بھی اس کی کھدائی میں مدد کرنے کا فیصلہ کیا۔

دونوں خاندانوں نے مل کر جوا پیمینٹا کے کچن کے لیے زمین کھودنا شروع کی، آخر کار 40 میٹر گہرا گڑھا کھودا۔ پیمینٹا رسیوں کی مدد سے سونے کی تلاش میں نیچے اترتا ہے۔ تاہم، خزانہ کی تلاش بدقسمتی سے اس کی موت کے ساتھ ختم ہوگئی.

71 سالہ جوا پیمینٹا 40 میٹر لمبے گڑھے سے باہر نکلنے کی کوشش کر رہا تھا کہ غلطی سے اونچائی سے گڑھے میں گر گیا اور موقع پر ہی دم توڑ گیا۔