جون کا مہینہ فیصلہ کن ہوگا۔ شیخ رشید کا اہم بیان آگیا 43

جون کا مہینہ فیصلہ کن ہوگا۔ شیخ رشید کا اہم بیان آگیا

عوامی مسلم لیگ کے سربراہ شیخ رشید کا کہنا ہے کہ جون کامہینہ سیاسی طورپرفیصلہ کن ہوگا ، یہ غیر ملکی آقاؤں کےکہنے پر فیصلے کر رہے ہیں۔ اور تفصیلات کے مطابق عوامی مسلم لیگ کے سربراہ شیخ رشید نے اسلام آباد ہائی کورٹ کے باہر میڈیا سے گفتگو میں ملک کی جاری لوڈ شیڈنگ کے حوالے سے کہا کہ 16 پاور پلانٹ بند اور 16 گھنٹے کی لوڈشیڈنگ ہے، شدید لوڈ شیڈنگ میں لوگ گرمی سے مر رہے ہیں۔شیخ رشید کا معاشی صورتحال کے حوالے سے کہنا تھا کہ 60 فیصد تجارتی خسارہ بڑھ گیا، زرمبادلہ کےذخائر صرف 9 ارب ڈالر رہ گئے، کریڈٹ ریٹنگ ایجنسی موڈیز نے ہمارا درجہ منفی کردیا ، پہلے معیشت ڈیفالٹ ہوتی ہے اس کے بعد ملک ڈیفالٹ ہوتا ہے۔
سربراہ عوامی مسلم لیگ نے کہا کہ حکومت نے ایک ہفتے میں 60روپےلیٹر پیٹرول قیمت بڑھا دی، بجلی 8 روپے فی یونٹ بڑھادی گئی ،چینی 100روپے فی کلو پہنچ گئی، 15 جون تک قوم انتظارکرے یہ خود سڑکوں پر آئے گی، موجودہ حکومت کے خلاف ماتم کرے گی، ایم کیو ایم کومبارک ہو میئر اور گورنر ان کے لگ گئے۔ان کا کہنا تھا کہ ملک معاشی بحران کی طرف جارہا ہے ، سیاست دان ٹی وی ٹی وی کھیل رہے ہیں ، جون کامہینہ سیاسی طورپرفیصلہ کن ہوگا ، یہ غیرملکی آقاؤں کےکہنے پر فیصلےکر رہے ہیں۔

اس خبر پر اپنی رائے کا اظہار کریں

اپنا تبصرہ بھیجیں