بین الاقوامی ہیکرز کاگروہ گرفتار 

0
122

 

 

 

دبئی پولیس نے متعدد ممالک کی بڑی کمپنیوں کے سسٹم ہیک کرنے والے ایک بین الاقوامی گروہ کو گرفتار کر لیا۔ اس گروپ کو معروف کمپنیوں کے سی ای اوز اور ڈائریکٹرز کی ای میلز ہیک کرنے کے لیے استعمال کیا جاتا ہے۔

دبئی پولیس کی جانب سے شائع کردہ تفصیلات میں بتایا گیا ہے کہ ہیکرز نے 36 ملین ڈالر ملک سے دو بار بھیجے۔ پولیس کی ایک خصوصی سائبر کرائم ٹیم ہیکرزکی سرگرمیوں پرنظررکھے ہوئےتھی۔

دبئی پولیس کا مزید کہنا تھا کہ ہیکرز کا تعلق مختلف ممالک سے ہے۔ ان کا گروپ 43 افراد پر مشتمل ہے۔

گروپ کے سرغنہ کی شناخت بیرون ملک مقیم کے طور پر کی گئی ہے۔ 20 دیگر ملزمان کا سراغ لگایا گیا۔ گروہ کی گرفتاری میں انٹرپول سے تعاون حاصل کیا گیا۔

دبئی پولیس نے کہا کہ ہیکرز کو “آپریشن مونوپولی” کے نام سے گرفتار کیا گیا۔ معاملہ سرکاری طور پر اس وقت شروع ہوا جب ایک ایشیائی ملک میں کمپنی کے ایک وکیل نے سائبر کرائم پورٹل کے ذریعے دبئی پولیس میں شکایت درج کرائی کہ ایک بین الاقوامی گروپ کمپنی کے سی ای او کی ای میل کو ہیک کرنے میں کامیاب ہو گیا ہے۔ اس حوالے سے وکیل نے پولیس کو ضروری تفصیلات فراہم کیں۔

Leave a reply