بلاول اپنی حد میں رہیں ؛ مریم اورنگزیب

ہاٹ لائن نیوز : اشتعال انگیز گفتگو کے مقدمہ میں لیگی رہنما مریم اورنگزیب نے انسداد دہشت گردی عدالت پیشی کے بعد گفتگو کرتے ہوئے کہا ہے کہ بلاول بھٹو زرداری کی زبان پر افسوس ہے ، بلاول ہمارے ساتھ وزیر خارجہ رہے انہوں کارکردگی کی بنیاد پر بات کرنی چاہیے ، بلاول بھٹو نئے نئے پنجاب آئے ہیں انہوں نے پنجاب میں ن لیگ کے پروجیکٹ نہیں دیکھے ، بلاول بھٹو کونسا ایسا منصوبہ سندھ سے لا رہے ہیں جو سندھ میں انہوں نے منصوبہ لگایا ہو اور وہ پنجاب میں نہیں ہے ۔

انہوں نے مزید کہا کہ بلاول بھٹو زرداری تہذیب میں رہ کر بات کریں ، بلاول بھٹو کو چاہیے وہ تہذیب میں رہ کر گفتگو کرے ، عوام کو سستی روٹی اور سستی اشیاء چاہیے وہ بات کریں ، مسلم لیگ ن کا مقابلہ الیکشن کمیشن میں کاغذات نامزدگی جمع کرانے والوں امیداروں کے ساتھ ہے، پاکستان مسلم لیگ ن کا مقابلہ سیاسی جماعتوں کے ساتھ ساتھ مہنگائی سے مقابلہ ہے ، نواز شریف عوام کو ریلیف فراہم کرینگے۔

مریم اورنگزیب نے کہا ہے کہ آپ نے احمد پور شرقیہ ،مانسہرہ کے جلسے دیکھیں یہ عوام کا اعتماد ہے ، عوام آٹھ فروری کو انشاء اللہ شیر کو ووٹ دینگے ، نواز شریف مہنگائی سے ملک کو نکالیں گے ، آٹا ،گھی چینی سستی ہوگی ۔