یونیورسٹی سے نکالنے اور دوبارہ داخلہ نہ دینے پر 2 پروفیسرز قتل 35

یونیورسٹی سے نکالنے اور دوبارہ داخلہ نہ دینے پر 2 پروفیسرز قتل

بغداد: عراق میں ایک طالب علم نے یونیورسٹی سے نکالنے اور دوبارہ داخلہ نہ دینے پر فائرنگ کر کے 2 پروفیسرز کو قتل کر دیا۔

غیر ملکی خبر رساں ایجنسی کے مطابق عراقی کردستان کی یونیورسٹی کے سابق طالب علم نے کیمپس کے سامنے فیکلٹی آف لا کے ڈین کو فائرنگ کر کے قتل کیا جن کے سر اور سینے میں گولیاں ماری گئی تھیں۔ جنہیں فوری طور پر اسپتال منتقل کیا گیا لیکن وہ چل بسے۔

عراقی طالب علم نے اربیل کے ایک محلے میں واقع فیکلٹی آف انجینئرنگ کے پروفیسر کو گھر میں داخل ہو کر فائرنگ کر کے قتل کر دیا۔ پولیس نے ملزم کو واقعے کے بعد گرفتار کر لیا۔

طالب علم یونیورسٹی سے نکالے جانے اور دوسری یونیورسٹی میں منتقلی کی درخواست بھی مسترد کیے جانے پر ناراض تھا۔

اس خبر پر اپنی رائے کا اظہار کریں

اپنا تبصرہ بھیجیں