اپوزیشن جماعتوں نے بائیکاٹ کا اعلان کر دیا
ہاٹ لائن نیوز : جماعت اسلامی اور دیگر اپوزیشن جماعتوں کے بعد بنگلہ دیش کی سب سے بڑی اپوزیشن جماعت بنگلہ دیش نیشنل پارٹی نے بھی انتخابات کے بائیکاٹ کا اعلان کر دیا ہے۔
بنگلہ دیش نیشنل پارٹی کے ترجمان نے خبر رساں ادارے سے گفتگو کرتے ہوئے کہا کہ شیخ حسینہ واجد کے ساتھ کسی الیکشن میں حصہ نہیں لیں گی، وہ انتخابات کا بائیکاٹ کر رہے ہیں، وہ اب کسی مضحکہ خیز الیکشن میں حصہ نہیں لیں گی۔
بی این پی کے ترجمان کا کہنا تھا کہ وزیراعظم شیخ حسینہ واجد نے گزشتہ دو انتخابات میں بھی دھاندلی کی، اکتوبر سے اب تک پارٹی کے 18 ہزار سے زائد رہنماؤں اور حامیوں کو گرفتار کیا جا چکا ہے۔
واضح رہے کہ بنگلہ دیش میں انتخابات اگلے سال 7 جنوری کو ہونے والے ہیں تاہم جماعت اسلامی بنگلہ دیش سمیت دیگر اپوزیشن جماعتیں پہلے ہی انتخابات کے بائیکاٹ کا اعلان کر چکی ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
