ہاٹ لائن نیوز : پنجاب حکومت کی جانب سے نواز شریف کی تصویر والے آٹے کے تھیلے اور راشن بیگز کی تقسیم کے خلاف درخواست کی سماعت ہوئی، عدالت نے آٹے کے تھیلے سے نواز شریف کی تصویر فوری ہٹانے کی استدعا مسترد کرتے ہوئے حکومت پنجاب کو نوٹس جاری کیا اور جواب طلب کر لیا ہے۔
جسٹس شاہد کریم نے لاہور ہائی کورٹ میں سماعت کی، درخواست گزار کی جانب سے وکیل اظہر صدیق نے درخواست دائر کی ، درخواست میں موقف اپنایا گیا ہے کہ سرکاری خزانے کو ذاتی تشہیر کیلئے استعمال نہیں کیا جا سکتا،اس طرح آٹے کی تقسیم شہریوں کے وقار کے منافی ہے۔
درخواست گزار کی جانب سے استدعا کی گئی کہ تھیلے پر نواز شریف کی تصویر شائع کرنے سے روکا جائے،آٹے کی تقسیم کے لئے شہریوں کی عزت نفس کو مجروح نہ کرنے کا حکم دیاجائے، پنجاب حکومت کو بینظیر انکم سپورٹ پروگرام کے ذریعے رقم شہریوں کےگھروں میں پہنچانے کا حکم دیا جائے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
