ماسکو: ( ہاٹ لائن نیوز) دنیا بھر میں انتہائی قیمتی اشیا بنانیوالی روسی کمپنی ’کیوویئر‘ نے ایپل کے آئی فون 14 اور آئی فون 14 پرومیکس کو انتہائی قیمتی اور نایاب ہیروں سے مزین کرکے اسکی قیمت کو آسمان تک پہنچا دیا ہے ۔ہیرو سے جڑے دنیا کے مہنگے ترین آئی فون کی قیمت 562,700 ڈالر یعنی 16 کروڑ 75 لاکھ روپے بتائی جارہی ہے۔
فی الحال روسی کمپنی نے ان مہنگے ترین آئی فونز ماڈل کا اعلان کیا ہے ، اس کی مزید تفصیلات نہیں بتائیں ۔ کمپنی نے اس کو ’ڈائمنڈ سنوفلیک‘ ڈیزائن کا نام دیا ہے۔ اس آئی فون پر 18 قیراط سفید سونے کی پرت چڑھا کر اطراف میں 570 ہیروں کو انتہائی خوبصورتی سے سجایا گیا ہے۔ درمیان میں ایک بڑا پینڈنٹ لگایا گیا ہے ، اسے برطانیہ کے مشہورجیولر نے ڈیزائن کیا ہے ، یہ پورا فون مکمل طور پر ہاتھ سے بنایا گیا ہے ۔
کمپنی نئے آئی فون 15 کو بھی مزید ہیروں سے مزین کرکے فروخت کرنے کا ارادہ رکھتی ہے ، کمپنی نے آئی فون کے ہارڈویئر میں کسی قسم کی کوئی تبدیلی نہیں کی ، صرف فون کی ظاہری کیفیت کو قیمتی بنایا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
