آئی ایم ایف کاجائزہ مشن کب پاکستان پہنچےگا

اسلام آباد: ( ہاٹ لائن نیوز) وزارت خزانہ کی طرف سے بتایا گیا ہے کہ بین الاقوامی مالیاتی فنڈ (آئی ایم ایف) کا جائزہ مشن رواں مہینے کے آخری ہفتے میں پاکستان آئے گا۔

وزات خزانہ کے ذرائع نے بتایا ہے کہ آئی ایم ایف کا جائزہ مشن رواں مالی برس کی پہلی سہ ماہی کی مالیاتی کارکردگی کا جائزہ لے گا، مذاکرات میں توانائی ، ٹیکس سمیت دیگر اہم شعبوں میں اصلاحات پر بھی گفتگو ہوگی۔

ذرائع کا کہنا ہے کہ اقتصادی جائزے کی کامیابی سے تکمیل کے بعد بین الاقوامی مالیاتی فنڈ بورڈ کی منظوری کی صورت میں پاکستان کو 70 کروڑ ڈالر کی اگلی قسط جاری کرے گا۔

ذرائع کے مطابق اخراجات میں کٹوتی کا پلان تیار ہو گیا ہے، اخراجات میں کمی کے منصوبے پر بھی گفتگو ہوگی پنشن، تنخواہیں اور الاؤنسز منجمد کرنے سمیت افسران کا اسٹاف کم کیا جائے گا، جبکہ حکومت آئی ایم ایف کے مطالبے پر گیس مہنگی کرنے پر مجبور ہو جائے گی۔